LORÎNA VENEGERÊ
Buhar derbas bû
havîn xilas
ewrên reş girtine ruyê ezmên
dil bi axîn şikestî
çem bi nalîn, çiya û deşt
bi rengê xurbetiyê
hemû gund û bajar
hemû welat
behr û çol û sehraa
û gelek diyar
dost û neyar
bi min re meşîn
hembêz kirim
şa kirim…
gotin û şoreş dê û bav
sal çûn têr û birçî
sîng mîna zinar
bêtirs bikim ez
imir derbas bû bi xebat
bi pakijiya dil
bi yekbûna hevalan
bi zanîn me al sitand
ne bi şûr û mertala
momele me gihandin
cejin gelek xweş in
cejin xort û baş in
cejin jî hene
mîna xewna şevan
ne rast in
bi tirs in, şaş in
cejin hene diyariya dost û hevalan
tarîxa reş û tarî
pelkên ronahî
bi nav û deng in
Rustem û Kawa
bi hezaran şehîdên bênav
tên ser zimanan
di roja îd û cejnan
Berf bû
baran bû
xem û hesret
derd giran bûn
xurbetî bû
ragerîn û seyran bû
çerxa felekê
dewran bû.