BIRÇÎ ME
Tore û torevan
di nav milyonên
tazî û birçiyan de
çi bibe je…?
Ji însanan ra?
Dunya birçî ye
ceng e, mirin e “hirman” e
tore çi bike
nabe derman
kilam û goftego
nabe xwarin û nan
ku rojekê kuştin nemîne
ez bawerim bi wê yekê
ne ji cirm û dizî, ne cînayet û kuştin
belê birçîbûn ranabe… kîayet …!
ê tim herdem hebe…
Li pîşa her xwardengehê birçîbûn
li pîşa kaniya avê tîbûn
tim nujen dibe
birçîbûn hebe
nan û şerab û goşt
xwesteka însanaye
xwedê jî zane
nan û goşt û şerab muqedes e
di buhuştê de çemên hingivîn hene
mast heye
fêkî heye
hejîr û henar in
zeytûn hene
dev didan
dest û pêk
bo çi ye?
Medî vala dike
qesr û mala wêran!
nan.. nan tim nan
paşê tê dora welêt û “weten”.