BIPARÊZIN
Ana pişkuftina gulan e
Bilbil şeydaye..
Diyariya buhar û xortaniyê
Dunya şêrîn e
Ez êvîdar im ku xewnên min şiyar û hişyar bibin
Li ser baskên başûqan!
Biparêzin…
Sitêrk belav bûne
Li asîmanê rengîn
Çavên te di nav sitêrkan de çirûsk e
Winda ye mîna dilê min
Te ev dila firand
Buharê şadîmanî û baran
Rojê hildayî serê çiyan
Çavên reş û belek
Hey felek
Biparêzin..
Ji vê baranê noş bikin
Rojên nêzîk zarok û keçan biparêzin
Guhdarî bike..
Evîndar im.. birîndar im
Heftê salî me
Bi dost û bi yar im
Helbestvan im bêkar im
Serbilind û azadîxwaz im
Belê ne xwînxwar im
Aştîxwaz im
Li ser sînorê Ecem û Êreb, Tirkan û Ermeniyan û Qozaqiyan
Qêrîn awaz e
Hay û ho û ceng û qîl û qal im
Bi tarîxa xwe r hemsal im
Tim agir û pêt im
Ziman perest im
Bêhiş û mest im
Siba xudiyê erdê xwe me
Îro bindest im
Lê siba serbest im
Hêvî li ser hêviyan
Rojhilat û başûr
Rojava û bakur
Dengê bilûr û tembûran
Buhar hat.. xilmaş nebin
Şiyar bin û biparêzin.