LI DOR TEWLÊ (sifrê


LI DOR TEWLÊ (sifrê)

Sifre dewlemend e

goşt, mey, gul, kas û kulîlk in

şadiye, şahiye

lê nizam

çi bêtar e dîsa hat..!?

ecayîb a zemên e

xeraîb û xeyalat e

Îhsan Nûrî, Hesotellî, Agrî û Ararat e

Dêrsim û Palo dengê şêrê bi birîn e

Seyêd Riza..

basik berdan ser Sîpan û xelatê

Keladizê, Mûsilê, Efrîn û Hûrî

vedikin li ser tewla me

yasemîn, binefş û corî

çi bêtar e…?

Em nikarin

bi serbestî bixun pariyek nan

û kesek meya xwe nanoşe

çi qisawet e, çi teşweş e..?

dinirim çavê yarê

mehdiye, zanaye tê da dinêre

deryê zindanê reş e

ana jî û berê jî..

kasên me li ser masê ne

kaxez û xame

nan nare xwar bi hêsanî…!!

ma kî çax em ê bijên bi însanî

nan li me dibe jehr

şadî dibe qehr…?.


اعجبك ؟ شارك الموضوع مع أصدقائك!

0

LI DOR TEWLÊ (sifrê