KÊFXWEŞÎ


KÊFXWEŞÎ

Rojperest im..

Qurbana dergehê te

Rojhilat im..

Ger tu çiyayî heyranê hîmê te û lat im

(muinisê) kul û derd û eşqa te me

Şehsiwarê evînê me

Ez disojim herdem..

Herdem im..

Diguvêşim dilê xwe

Di navbera destên we de

Gavên min westiya ne

Li ber qiraxên deryaya wesfa te

Bêreqs û bêmey im

Xerîb û mehcor im

Xemguzarê te me…

Bayê firaqê dame ber xwe

Seyran dikim rehguzarê te me

Meclîsa me bêsaz û mey…

Rencur e dil

Vemirî roniya çavan û winda bû

Jîn û vîn e

Mizgîna te bangenavê welêt e

Dixwazim li ser şar û gundên te

Destan vegrim, bicivînim azadî û serbestî

Şevên reş bêne civandin

Welat xelas be ji dest mişk û kundan

Ne ferman û ne zîndan

Gel lê bixwenda bi şadî

Ev kêfxweşiya helbestvana bêguman.


اعجبك ؟ شارك الموضوع مع أصدقائك!

0