BAYÊ ÇIYAN
Tu çi ba yî ..?
Bayê evîna heftêsaliyê
Heftêsalî ne..
Ewran didî ber xwe tu
Difirînî û dimeşînî tu
Çiya, newal û gelî dixemilin…
Xewrevîn e, çavdifrîne, dil dilîskîne nugihî ne
Tu hesret î..
Tu firqet î..
Tu sînor û serhed î
Perwaz dikin bi zorê
Hest û mest î tu
Dest û piyên min nagihîne te…
Xemrevîna eşqê
Bihişta gulistanan
Ala leşkerên hunermend
Li ser çiyayên bilind
Dilê xemgîn
Te ava kir bi hêj û şadî
Rûçikên giran te kirin xwendan
Tu çi ba yî..?
Ne rohilat, ne rojava.. nijadî
Silav bide li bax û bîstana
Li gulistanan
Tu zerdeştê evînê yî..
Kanî ZEND EVISTA ?
Tu mezmura Dawoud î
Li erdê KENAA N neşîd û înşada
Suleyman î hekîm e
Bo Belqîsa xopan
Tu Meyrem il Ezraa yî
Hawar hawar ..
Yosifê Necar
Tu Asyaya Elî Umran î
Tarîxa xwînxwar
Ev beytên helbestê
Di deftera şaîrekî heftêsalî de
Bi neqş û nîşan e
Manîfestoye.. beyan e.